Salman Ata

کھجور میں زیر بچے دو قسم کے ہوتے ہیں. زمینی زیر بچے اور ہوائی زیر بچے. چونکہ زمینی زیر بچے زمین پر ہونے کیوجہ سے جڑیں پیدا کر لیتے ہیں اس لئے ان میں کامیابی کی شرح زیادہ ہے. دوسری طرف ہوائی زیر بچے اپنی جڑ نہیں بنا پاتے اور اکثر ضائع ہو جاتے ہیں. کھجور کے کاشتکاروں کیلئے یہ ایک بڑا نقصان ہے کیونکہ چار پانچ سال میں تیار ہونیوالا صحیح النسل پودا ضائع ہو جاتا ہے.  ذیل میں مختصراً ہوائی زیر بچوں کو کامیابی سے کاشت کرنے کا طریقہ بیان کیا گیا ہے.  ہوائی زیر بچوں کی نچلی سطح کو چھیل لیں کہ جہاں سے جڑیں بنتی ہیں اور اس جگہ پر مٹی کا لیپ دے کر مٹی چڑھا دیں. اگر ہوائی بچے زیادہ اونچے ہیں تو کسی بوری وغیرہ کی مدد سے مٹی کو باندھ کر رکھیں. کبھی کبھار اس مٹی کو نم کر دیا کریں. یہ عمل مون سون سے پہلے کریں تو بہتر ہے. تقریباً چھ ماہ بعد تھوڑی سی مٹی ہٹا کر دیکھ لیں کہ جڑ بن گئی ہے کہ نہیں. اس طریقے سے تقریباً چھ ماہ میں پودا جڑ بنا لے گا جسے کھیت میں منتقل کیا جاسکتا ہے

دوسرے معاملات کی طرح ہم غذا میں بھی "شارٹ کٹ" کے قائل ہیں اس لئے آئے روز سنا مکی، کلونجی، اجوائن وغیرہ جیسے نسخے سامنے آتے رہتے ہیں۔ ایک اچھی غذا وہ ہے کہ جو متوازن ہے اور اس غذا میں مندرجہ ذیل گروپ پائے جاتے ہیں: (مقدار کم و بیش ہو سکتی ہے) 1 ۔ سبزیاں ( کم از کم 350 گرام روزانہ) 2 ۔ پھل (500-200 گرام روزانہ) 3 ۔ اناج مثلا' گندم، مکئی، چاول (تقریبا" 500 گرام) 4 ۔ دال و پھلیاں (50-25 گرام روزانہ) 5 ۔ مصالحہ جات (ہلدی، لونگ، ادرک وغیرہ) کم مقدار میں روزانہ 6 ۔ انڈہ زیادہ سے زیادہ ایک روزانہ 7 ۔ مچھلی یا مرغی ہفتہ میں کم از کم ایک دفعہ، مچھلی کو ترجیح دیں نیز برائلر کھانا بھی فائدہ مند ہے۔ 8 ۔ دودھ پر دہی کو ترجیح دیں (150 گرام) 9. آئل (مثلا' سویا بین، کنولہ، زیتون) ایک سے دو چمچ روزانہ 10 ۔ گوشت ایک ماہ میں صرف ایک دفعہ 11 ۔ چینی زیادہ سے زیادہ دو چھوٹے چمچ، نمک زیادہ سے زیادہ آدھا چائے کا چمچ ان کے علاوہ قہوہ (گرین ٹی، لیمن گراس، بلیک ٹی) کا روزانہ استعمال بھی بہت اچھا ہے۔ اگر غذا متوازن نہیں تو نہ تو گاجر سے آنکھیں تیز ہونگی اور نہ چقندر سے خون بن...